Арманистон ҳукумати янги сайланган Миллий мажлиснинг Ереванда бўлиб ўтган биринчи йиғилишида расман истеъфога чиқди. Бу ҳақда мамлакат бош вазири Никол Пашинян видео мурожаатида маълум қилди.
Пашиняннинг айтишича, ҳукуматнинг ваколатларини топшириши Арманистон Конституциясининг 158-моддасига мувофиқ амалга оширилган. Унга кўра, ҳукумат янги парламентнинг биринчи йиғилиши куни истеъфога чиқиши шарт.
Янги ҳукумат шакллантирилгунга қадар амалдаги Вазирлар Маҳкамаси ўз вазифаларини вақтинчалик мақомда бажаришда давом этади.
Бош вазирнинг маълум қилишича, ҳукмрон «Фуқаролик шартномаси» партияси бош вазир лавозимига ўз номзодини 2 август куни тақдим этади.
Арманистонда парламент сайловлари 7 июнь куни бўлиб ўтган. Уларнинг якунларига кўра, ҳокимиятдаги партия парламентда кўпчиликни сақлаб қолган, бироқ конституциявий кўпчиликни қўлга кирита олмаган.
Янги чақириқ Миллий мажлиснинг биринчи йиғилиши яна бир воқеа билан эътибор тортди. Илк бор мамлакат тарихида Барча арманлар католикоси Гарегин II парламентнинг биринчи мажлисига таклиф этилмади.
Хитой электромобиллари омборларда тўпланиб қолмоқда
Флоренцияда “биринчи Cоcа-Cola” рецепти топилди
Саудия Арабистони валиаҳд шаҳзодаси Трампни Эронга қарши бошқа ҳужумлар уюштирмасликка чақирди
