Аргентиналик дарвозабон лазер билан боғлиқ воқеа туфайли 11 ўйинга дисквалификация қилинди

Аргентиналик дарвозабон лазер билан боғлиқ воқеа туфайли 11 ўйинга дисквалификация қилинди.

Мексика футбол федерацияси “Тигрес” посбони Науэл Гусманни “Монтеррей”га қарши баҳсдан сўнг (3:3) “номақбул хатти-ҳаракатлари” учун 11 ўйинга четлатди.

Гусман жароҳати туфайли ўйинда иштирок этмаган. Бироқ рақиб жамоа стадиони VIP-секторида ўтирган Науэл “Монтеррей” дарвозабони Эстебан Андраденинг кўзига лазер тутгани камераларга тушиб қолган.

Ундан ташқари “Тигрес” жамоаси ҳам ички қонун-қоидаларга кўра дарвозабонни жазолаши, унга қўшимча жарималар белгилашини маълум қилган.

Гусман ижтимоий тармоқдаги саҳифасида ҳамкасбидан узр сўраб пост ёзган.