Ҳакам Ремижио Армоа Мисионес провинциясида (Аргентина) ёшлар жамоаси ўйинида ўйинчини пичоқлагани учун ҳибсга олинди, деб хабар бермоқда Goal.
Ҳодиса ўйинчилар ҳакамни ўраб олган жанжалдан кейин содир бўлган. Шундан сўнг Армоа пичоқни чиқариб, ўйинчилардан бирининг кўкрагига санчди.
Жабрланувчи ҳушини йўқотди, кейин жамоадошлари уни кўтариб майдондан олиб кетишди. Ўз вақтида кўрилган биринчи тиббий ёрдам туфайли футболчига ҳозир ҳеч қандай хавф йўқ.
Армоа воқееа жойидан қочишга уринган, бироқ кейинчалик маҳаллий полиция томонидан ҳибсга олинган. Ҳозирда Аргентина полицияси ушбу ишни тергов қилмоқда. Айни пайтда футболчи шифокорлар назорати остида тикланиш жараёнини давом эттирмоқда.