АҚШнинг Техас штатида самолёт қулади, қурбонлар бор

Техас штатининг Форт-Уорт шаҳри яқинида енгил моторли самолётнинг қулаши оқибатида камида икки киши ҳалок бўлди.

Бу ҳақда Dallas Morning News нашри хабар берди.

Газетанинг ёзишича, самолёт саноат ҳудудидаги автотураргоҳга қулаган ва у ердаги айрим жиҳозларга урилган, шундан сўнг у ёниб кетган.

Шу билан бирга, Миллий транспорт хавфсизлиги кенгаши Beech King Air C90 турбопропининг ҳалокатини текшираётганини эълон қилди. Ушбу модель икки экипаж аъзоси ва беш йўловчи учун мўлжалланган.

Самолёт бортидаги одамлар сони ва ҳалокатнинг тахминий сабаблари ҳозирча ошкор этилмаган.