АҚШда Россия фуқароси жосуслик ва фирибгарликда айбланди

АҚШ Адлия вазирлигига кўра, АҚШ расмийлари Россия фуқароси Сергей Черкасовни жосуслик ва фирибгарликда айблади.

“Черкасов 2012 йилда Бразилияда Феррейра номи билан ноқонуний агент сифатида фаолият юрита бошлаган, 2018 йилда эса Колумбия округида жойлашган университетда аспирантурага ўқишга кирганидан сўнг АҚШга кўчиб ўтган”, — дея хабар беради “РИА Новости”.

Қайд этилишича, айни дамда Черкасов фирибгарликда айбланиб, Бразилияда ҳибсда.

Шунингдек, Вашингтонда Сергей Черкасов Россия разведкаси ходими сифатида кўрилаётгани маълум қилинган.