АҚШда нотинчлик: Турли шаҳарларда ўн минглаб одамлар Трамп сиёсатига норозилик билдириш учун намойиш ўтказмоқда

Лос-Анжелес ва Нью-Йоркда бир неча минг киши йиғилиб, АҚШ президенти Дональд Трамп ва унинг маъмурияти сиёсатига қарши намойишга чиқди.

NBC News телеканали хабар беришича, Вашингтонда режалаштирилган ҳарбий парад ва Америка етакчисининг туғилган куни муносабати билан мамлакат бўйлаб норозилик намойишлари бўлиб ўтмоқда.

Филаделфиядаги намойишда 14 мингга яқин одам иштирок этмоқда, юзлаб одамлар Вашингтон чеккасида Fox 5 телеканали бош қароргоҳи яқинидаги митингга тўпланишди.

"АҚШ президенти Дональд Трамп сиёсатига рози бўлмаган мингдан ортиқ одам Флоридадаги Мар-а-Лагодаги қароргоҳи томон юриш қилди”, — деб ёзади The Washington Post.

Намойишчилар қўлларида “Биз ҳукуматмиз”, “Тинчлик бу ҳукумат”, “Депортацияга йўқ”, “Эрон билан урушга йўқ” каби плакатларни ушлаб, “Демократия мана шундай кўринади”, “Трамп, кет!”, “Импичмент ҳозир” ва ҳоказо.

Америка матбуотининг ёзишича, намойишлар тинчгина давом этмоқда. Воқеа жойида кучайтирилган полиция бўлинмалари мавжуд, бироқ улар ҳозирча митингга аралашишмаяпти.