АҚШнинг Теннеси штатида кўлга қулаган самолётда бўлган етти кишининг барчаси ҳалок бўлган.
Олдинроқ етти кишини олиб кетаётган "Cессна C501" самолёти ҳавога кўтарилгандан кўп ўтмай, Нашвилл шаҳри яқинидаги кўлга қулаб тушгани ҳақида хабар бергандик. Қутқарувчилар дастлаб битта йўловчининг жасадини топдилар. Полиция йўловчиларнинг ҳаммаси ҳалок бўлган деб ҳисобламоқда.
Ҳалокат сабаблари ҳанузгача номаълум, тергов олиб борилмоқда.
