AQShning Tennesi shtatida ko‘lga qulagan samolyotda bo‘lgan yetti kishining barchasi halok bo‘lgan.
Oldinroq yetti kishini olib ketayotgan "Cessna C501" samolyoti havoga ko‘tarilgandan ko‘p o‘tmay, Nashvill shahri yaqinidagi ko‘lga qulab tushgani haqida xabar bergandik. Qutqaruvchilar dastlab bitta yo‘lovchining jasadini topdilar. Polisiya yo‘lovchilarning hammasi halok bo‘lgan deb hisoblamoqda.
Halokat sabablari hanuzgacha noma’lum, tergov olib borilmoqda.
