Айдахо штатининг ўт ўчирувчилари Кер-д'Ален шаҳри яқинидаги Канфилд тоғи ҳудудида ўрмон ёнғинлари билан курашаётган вақтда юз берган отишмада камида икки киши ҳалок бўлди.
Бу ҳақда округ шерифи Роберт Норрис маҳаллий телеканаллар томонидан эфирга узатилган матбуот анжуманида маълум қилган.
"Биз ҳозирда иккита ҳалок бўлганини биламиз. Ярадорлар сони номаълум", - деди у.
Шерифнинг қўшимча қилишича, воқеа жойида ҳам маҳаллий, ҳам федерал идоралар ишламоқда. "Биз отишмада давом этаётган гумонланувчини зарарсизлантиришга тайёрмиз. Агар буни уддалай олмасак, уни қўлга олиш операцияси бир неча кунга чўзилиши мумкин", деди у.
Кутенай округи шерифининг лейтенанти Жефф Ховарднинг ABC News телеканалига айтишича, ҳуқуқ-тартибот идоралари ёнғин қутқарувчиларни воқеа жойига жалб қилиш учун атайлаб ўрнатилганми ёки йўқлигини текширмоқда.
Ҳозирда полиция вертолёти ҳужумчини ўрмон зонасида топиш мақсадида ҳудудни тарамоқда, ҳуқуқ-тартибот идоралари ходимлари эса унинг ёлғиз ўзи ҳаракат қилмоқдами ёки бир неча киши ўқ узяптими, аниқ билмайди.
Ўзбекистонлик яна бир футболчи "Манчестер Сити"га ўтиши мумкин
Элдор Шомуродов янги жамоасининг таклифини қабул қилди
Яна бир ўзбекистонлик футболчи "Манчестер Сити"га ўтиши кутиляпти
