АҚШда ҳарбий база ҳудудига кириб қолган икки нафар Россия фуқароси қўлга олинди

Бу ҳақда “Медуза” хабар бермоқда.

АҚШнинг Калифорния штатида Россиянинг икки фуқароси Кэмп-Пендлтон ҳарбий базаси ҳудудига ноқонуний кириб келганликда гумонланиб қўлга олинди, дея хабар бермоқда нашр.

Россиянинг АҚШдаги элчихонасининг маълум қилишича, икки нафар аёл иммиграция ва божхона хизмати вакилларига топширилган ва ҳозирда депортация жараёнини кутмоқда.

Шу куни Shot Телеграм-канали Калифорнияда икки россиялик аёлнинг қўлга олингани ҳақида хабар берган эди. Канал маълумотига кўра, улар АҚШ бўйлаб автомобилда саёҳат қилаётганида навигатор орқали энг яқин McDonald's'ни қидириш чоғида адашиб ҳарбий база ҳудудига кириб қолган.