АҚШ Хитойга нисбатан савдо текширувини вақтинча тўхтатди

Оқ уй маъмурияти Хитойга қарши кемасозлик ва юк ташиш билан боғлиқ савдо терговини бир йилга тўхтатди.

Бу ҳақда АҚШ савдо вакили идораси баёнотида маълум қилинган.

Ҳужжатда таъкидланишича, терговдаги барча ҳаракатлар 10 ноябрь ярим тунда тўхтатилади. Тергов 2024 йил апрелида бошланган ва Хитойнинг кемасозлик, юк ташиш ва логистика соҳасидаги “адолациз амалиётлари”га тегишли. АҚШ расмийлари Хитой ушбу ҳудудларда "ҳукмрон мавқе"ни қўлга киритишга интилаётганини даъво қилмоқда.

Баёнотда таъкидланганидек, "терговнинг тўхтатилиши АҚШ президенти Дональд Трамп ва Хитой раҳбари Си Цзиньпин ўртасида Оқ уй томонидан 2025 йил 1 ноябрда эълон қилинган тарихий савдо-иқтисодий келишувлардан сўнг амалга оширилди”. АҚШ Савдо вакили идорасининг аниқлик киритишича, Америка томони Хитой расмийлари билан “ушбу тергов давомида кўтарилган масалаларни” муҳокама қилади.

“Ушбу чора-тадбирларни амалга оширар экан, Қўшма Штатлар мамлакат ичида ва асосий иттифоқчилари ва ҳамкорлари билан маслаҳатлашган ҳолда Америка кемасозлик саноатини жонлантириш бўйича саъй-ҳаракатларини давом эттиради”, — дейилади ҳужжатда.