Терроризмга қарши курашда иштирок этиш учун Нигерияга қарийб 100 нафар америкалик ҳарбий хизматчи етиб келди.
Бу ҳақда Нигериянинг Vanguard газетаси хабар берди.
АҚШ мутахассислари Нигериянинг шимоли-шарқидаги Борно штатининг пойтахти Маидугурига ҳарбий транспорт самолётида олиб кетилган. Жами 200 га яқин ҳарбий маслаҳатчи, таҳлилчи ва инструктор Нигерия Қуролли Кучларига мақсадли аксилтеррор операцияларини ўтказишда ёрдам бериши кутилмоқда.
Аввалроқ, учта АҚШ ҳарбий транспорт самолёти Борно штатидаги Нигерия Қуролли Кучлари базасига ўқ-дорилар каби жиҳозлар партиясини етказиб берган эди. Газетанинг ёзишича, булар бир қатор бундай парвозларнинг биринчиси. "Нигерия ва АҚШ ўртасидаги музокаралардан сўнг, Америка ҳукумати нафақат бизга ҳарбий хизматчиларни юборади, балки исёнчиларга қарши курашиш учун зарур бўлган логистика ёрдамини, жумладан, ўқ-дорилар етказиб беришни ҳам таъминлайди", деб ёзади газета Нигерия Қуролли Кучлари Бош штабидаги манбага иқтибос келтиради.
Кузатувчиларнинг таъкидлашича, Қўшни Нигердаги бундай базани йўқотгандан сўнг, Қўшма Штатлар Саҳел минтақасидаги вазиятни кузатиш учун Нигериянинг шимоли-шарқида ўзининг ҳарбий разведка дронлари учун база яратишни режалаштирмоқда.
Имомали Раҳмон вафот этди(ми)?
Олим Ер аҳолисини «жаҳаннам иқлими»дан огоҳлантирди
Ер юзидаги совуқлик рекорди қайд этилди
