АҚШ президенти Жо Байден Исроилнинг Ғазо секторидаги операциясини тугатишга интилишда давом этишини айтди . Бу ҳақда президентнинг қайта сайланиш учун курашдан бош тортгани муносабати билан ватандошларига қилган мурожаатига таяниб, «ТАСС» хабар бермоқда .
Байденнинг сўзларига кўра, у Ғазодаги урушни тугатиш , барча гаровга олинганларни ватанга қайтариш ва Яқин Шарқ минтақасида тинчлик ва хавфсизликни таъминлаш бўйича ишларни давом эттириш ниятида.
Байденнинг таъкидлашича, ҳукумат бутун дунё бўйлаб ноҳақ ҳибсга олинган АҚШ фуқароларини озод қилиш учун доимий иш олиб бормоқда.