АҚШ мудофаа вазири илк бор “Рамштейн” учрашувида иштирок этмайди — Associated Press

Агентликнинг ёзишича, Қўшма Штатлар уч йил олдин Украинага ҳарбий ёрдамни мувофиқлаштириш учун халқаро гуруҳ ташкил этганидан бери илк бор Пентагон раҳбари Пит Ҳегсет 50 дан ортиқ мудофаа вазирлари иштирок этадиган учрашувда қатнашмайди.

Маълумотларга кўра, Ҳегсет якшанба куни Сингапурдаги миллий хавфсизлик бўйича Шангри-Ла конференциясидан қайтган, аммо “Рамштейн” учрашувида қатнашиш учун чаршанба куни кечгача Брюсселга етиб бормайди.

Агентлик манбасининг маълум қилишича, АҚШ мудофаа вазири ушбу йиғилишда видеоконференция орқали ҳам қатнашмайди.

Associated Press'нинг қайд этишича, бу Вашингтон томонидан Украинадаги ҳарбий ҳаракатлардан ўзини узоқлаштиришга қаратилган сўнгги қадамлардан бири ҳисобланади.