Қўшма Штатлар Молдовага ҳуқуқ-тартибот идоралари томонидан фойдаланиладиган TETRA махсус алоқа тизимини модернизация қилиш ва кенгайтириш учун 22 миллион доллар ажратди.
Бу ҳақда “ТАСС” хабар бермоқда.
“АҚШ ҳукумати Молдова Республикасида махсус TETRA алоқа тармоғини модернизация қилиш ва кенгайтириш учун 22,3 миллион доллар ажратди. Ушбу лойиҳа ҳуқуқни муҳофаза қилиш органлари ва фавқулодда вазиятлар хизматларининг алоқа имкониятларини кенгайтириб, уларни бутун мамлакат бўйлаб самарали, ишончли ва хавфсиз алоқа воситалари билан таъминлайди”, - деди АҚШ Давлат котибининг фуқаролик хавфсизлиги, демократия ва инсон ҳуқуқлари бўйича ўринбосари Узра Зея.
