АҚШ жаҳон бозорида нархларни тушириш учун Эрон нефтига қўйилган санкцияларни вақтинча бекор қилди

АҚШ жаҳон бозорида нархларни тушириш учун Эрон нефтига қўйилган санкццияларни вақтинча бекор қилди.

АҚШ молия вазири Скотт Бессентнинг айтишича, аллақачон кемаларга юкланган Эрон нефти ва нефт маҳсулотларини етказиб беришга рухсат берилди. Вазирнинг Х ижтимоий тармоғида ёзишича, бу нефт аввал Хитойга арзон нархларда сотилиши режалаштирилган эди. Санкцияларнинг бекор қилиниши ушбу нефтни жаҳон бозорига чиқариш имконини беради.

Бессентнинг сўзларига кўра, гап тахминан 140 миллион баррел нефт ҳақида бормоқда. Эрон нефтини етказиб бериш учун берилган лицензия бир ой давомида амал қилади.

"Биз нефт нархларининг ошишини жиловлаш мақсадида “Эпик ғазаб” амалиёти доирасида Эрон нефтидан унинг ўзига қарши фойдаланамиз”, — дея қўшимча қилди АҚШ молия вазири.

Аввалроқ АҚШ Яқин Шарқдаги уруш сабаб бошланган нефт нархларининг ошишини тўхтатиш учун Россия нефтини сотишга қўйилган тақиқни ҳам вақтинча бекор қилган эди.