"АҚШ "жаҳаннамга кетяпти", унга кучли етакчи керак"

АҚШнинг собиқ президенти Дональд Трамп АҚШ “жаҳаннамга кетяпти” ва у кучли етакчига муҳтожлигини айтди.

"Мамлакатимиз "жаҳаннамга кетмоқда", миллатимиз таназзулга юз тутмоқда", деди собиқ президент Fox News телеканалига берган интервьюсида.

Трампнинг сўзларига кўра, Жо Байден жаҳон саҳнасида ожизлигини кўрсатди ва АҚШга, масалан, Хитой раҳбари Си Цзиньпин каби “ақлли” раҳбарлар билан муомала қилиш учун кучли етакчи керак.

"Республикачи ёки демократ, мен ҳақиқий лидерни кўришни хоҳлайман", деб қўшимча қилди Трамп.

Сентябрь ойи бошида Трамп АҚШ етакчиси Жо Байденни “давлат душмани” деб атаган, Байден эса Трамп ва республикачиларни АҚШ асосларига таҳдид солувчи экстремистик кучнинг тимсоли деб атаган эди.