АҚШ ҳарбийлари Кариб денгизидаги кемага зарба берди

АҚШ ҳарбий кучлари Кариб денгизида гиёҳванд моддалар контрабандаси билан шуғулланган тезюрар қайиққа зарба берди ва тўрт киши ҳалок бўлди.

Бу ҳақда АҚШ Жанубий қўмондонлиги эълон қилди.

"Тасдиқланган разведка маълумотлари кема гиёҳванд моддалар контрабандаси билан фаол шуғулланганини кўрсатди", дейилади қўмондонлик баёнотида.

АҚШ оммавий ахборот воситаларининг хабар беришича, 2025 йил кузида ҳужумлар бошланганидан бери, АҚШ ҳарбийларининг гиёҳванд моддалар савдогарлари томонидан фойдаланилган деб гумон қилинган тезюрар қайиқларга қарши ҳужумларида 230 дан ортиқ одам ҳалок бўлган.