АҚШ Европадаги ҳарбий контингентининг бир қисмини Жанубий Америкага кўчириб, наркотик картелларига қарши курашда фойдаланиши мумкин. Бу ҳақда АҚШ мудофаа вазири Пит Хегсет маълум қилди.
Унинг сўзларига кўра, Вашингтон наркотик картелларига қарши кампания доирасида Марказий ва Жанубий Америкадаги ҳарбий иштирокини кенгайтирмоқда. АҚШ Эквадор, Гондурас, Гватемала ва Панама каби давлатлар ҳукуматлари билан ҳамкорлик қилмоқда.
Шу билан бирга, АҚШ Европадаги ҳарбий иштирокини қайта кўриб чиқмоқда. The Hill маълумотларига кўра, Пентагон ушбу жараённи декабрь ойига қадар якунлашни режалаштирган.
Аввалроқ NBC News АҚШ Европадан 25 мингдан ортиқ ҳарбий хизматчисини, яъни контингентнинг қарийб учдан бир қисмини олиб чиқиши мумкинлиги ҳақида хабар берган. НАТО иттифоқчилари эса Европада Россия томонидан келаётган таҳдид кучайиб бораётганидан огоҳлантирган.
Нега Исроил Ўзбекистонга қизиқиб қолди?
Аэропортда янги туғилган чақалоқ ва унинг онаси вафот этди
Айиқ овлаганларга пул мукофоти ваъда қилинди
