Америка ҳарбийлари парвозларни кузатиш маълумотлари ва сунъий йўлдош тасвирларига таянган ҳолда, Эрон яқинидаги ҳарбий иштирокини ошириб, Европа ва Яқин Шарқдаги базаларга 150 дан ортиқ самолётни кўчириб ўтказди, деб ёзади "The Washington Post".
"Тўпланаётган кучлар қуруқликдан бостириб кирмасдан, кўп кунлик операцияга тайёргарлик кўрилаётганидан далолат беради", — дейилади нашрда.
Аниқлик киритилишича, ўнлаб қўшимча самолётлар илгари Грециянинг Крит ороли қирғоқларида кўринган "USS Gerald R. Ford" авиаташувчи кемаси бортига жойлаштирилган.
"Ford Яқин Шарққа юборилган иккинчи авиаташувчи бўлди ва унинг келиши ҳозирда минтақада АҚШнинг барча амалдаги кемаларининг тахминан учдан бир қисми мавжудлигини англатади", — деб таъкидланади мақолада.
Газетанинг қайд этишича, АҚШ Қуролли Кучларининг минтақадаги ҳозирги иштироки сўнгги йигирма йилликдаги энг йирикларидан бири ҳисобланади.
Доллар турбулентлик босқичига кирмоқда
Умрага бориш 19 мартдан расман тўхтатилади
Трамп: "Менга мамлакатни вайрон қилиш ҳуқуқи берилган”
