АҚШ Адлия вазирлиги ва Ички хавфсизлик вазирлиги чет эл фуқароларининг Илон Маск билан учрашувларини кузатиб борган

Бу ҳақда WSJ нашри хабар бермоқда.

Газета маълумотларига кўра, 2022 ва 2023 йилларда Қўшма Штатларнинг бир қатор ҳукумат тузилмалари Илон Маскнинг мулкларига ташриф буюрган хорижликларнинг келиши ва кетишини назорат қилган.

The Wall Street Journal манбаларининг таъкидлашича, президентлик сайлови кампанияси даврида Маск бошқа давлатлар вакиллари билан шунчалик тез-тез учрашганки, бу ҳатто Трампнинг қайта сайланишини қўллаб-қувватлаш учун ташкил этилган сиёсий қўмита аъзоларини ҳам ташвишга солган. Улар сайлов жараёнига чет элдан бўлиши мумкин бўлган аралашувдан хавотирга туша бошлаган.