АҚШ 2025 йил 1 октябрдан ноиммиграцион визалар нархини оширди

Эндиликда виза олишда янги мажбурий тўлов — Visa Integrity Fee тўланиши керак. Бу чоралар АҚШ ҳукуматининг солиқлар ва харажатлар тўғрисидаги Big Beautiful Bill қонунида назарда тутилган бўлиб, уни президент Доналд Трамп 2025 йил июл ойида имзолаган эди.

Қайд этилишича, 2025 йил октябрдан 2026 йил октябргача бўлган молиявий йилда ушбу тўлов миқдори камида 250 долларни ташкил қилади.

Қонунда АҚШ Ички хавфсизлик вазирлиги ўз ихтиёрига кўра бу суммани ошириш ҳуқуқига эга эканлиги кўрсатилган.