Андижонда ҳоким ўринбосари пора билан ушлангани айтилмоқда

Ижтимоий тармоқларда тарқалган маълумотларга кўра, Андижон вилояти ҳокимининг ўринбосари И.Исманов 50 минг доллар пора олаётганда қўлга олинган.

Қайд этилишича, у Бобур шаҳридаги 20 сотих ерни аукцион орқали расмийлаштириб бериш ва қурилишга рухсат олиб беришни ваъда қилиб, ҳар сотихи учун 2 500 доллардан жами 50 минг доллар талаб қилган.

Маълумотларга кўра, у пулни ўз уйида олган вақтда ушланган.

Ҳолат юзасидан Жиноят кодексининг тегишли моддалари билан жиноят иши қўзғатилган.