Андижонда 17 ёшли йигит каналда оқиб кетди

Андижонда 17 ёшли йигит каналда оқиб кетди. Бу ҳақда Бош прокуратура матбуот котибига таяниб, Uzreport.news хабар берди.

Қайд этилишича, 2024 йил 24 июль куни соат 13:30 ларда Марҳамат тумани, «Қовунчи» МФЙ, M.Yusuf кўчаси 25-уйда яшаган 2007 йилда туғилган S.S. Марҳамат тумани, Қовунчи МФЙ ҳудудидан оқиб ўтувчи “Катта Фарғона канали”да чўмилаётган вақтида эҳтиётсизлиги натижасида оқиб кетган.

Мазкур ҳолат юзасидан Марҳамат туман прокуратураси томонидан терговга қадар текширув олиб борилмоқда.

Терговга қадар текширув вилоят прокуратураси томонидан назоратга олинди.