Энергетика вазирлиги ҳузуридаги “Ўзенергоинспекция” томонидан ҳуқуқни муҳофаза қилувчи органлар ҳамда электр таъминоти корхоналари ходимлари билан ҳамкорликда Андижон вилоятида ўтказилган назорат тадбирларида электр энергиясидан ноқонуний фойдаланиш ҳолатлари аниқланмоқда.
Хусусан, Андижон шаҳрида фаолият юритиб келаётган “З.Б.Х.” МЧЖга қарашли ишлаб чиқариш цехида электр ҳисоблагичга ташқи таъсир кўрсатилиб, жами 745,3 млн сўмлик электр энергиясидан ноқонуний фойдаланганликлари аниқланган.
Бу каби ҳолат Асака туманида жойлашган “З.П.” МЧЖга тегишли болалар боғчасининг электр қурилмалари ўзбошимчалик билан тармоққа улаб, жами 502,5 млн сўмлик электр энергиясидан ноқонуний фойдаланганликлари фош этилди.
Шунингдек, Андижон шаҳрида жойлашган “Болалар боғи”нинг электр ҳисоблагичига ташқи таъсир кўрсатилиб, жами 462,5 млн сўмлик электр энергиясидан ноқонуний фойдаланганлиги аниқланган.
Мазкур ҳолатлар юзасидан тегишли ҳужжатлар расмийлаштирилиб, ҳуқуқни муҳофаза қилувчи органларга юборилди.
Россия Ўзбекистондан тушунтириш сўради
Самарқанддаги нохуш ҳолат: "Ўзбекларга кофе берманглар..."
«Дунёда нефть тугайдиган аниқ кун» маълум бўлди
