Россиялик аёлнинг танасида коронавируснинг 18 та янги тури ривожланди. Ушбу ҳолат рус олимлари томонидан маълум қилинди.
Шифокорларнинг фикрига кўра, иммунитети пасайган 47 ёшли аёл олти ой давомида CОVID-19га қарши курашган. У юқумли касалликни 2020 йил апрель ойида касалхонада кимёвий терапия курсидан ўтаётганда юқтирган. Шифокорлар берган маълумотларга кўра, 9 сентябргача россиялик аёлдан олинган тестлар инфекция учун мусбат натижани кўрсатди.
Мутахассислар баҳорда ва ёз охирида бемордан олинган натижаларни таққослаб ўрганганларида коронавируснинг янги мутациялари мавжудлигини аниқладилар.