Россия бадиий гимнастика федерацияси президенти Ирина Винер-Усмонова Олимпиада чемпиони Алина Кабаевани шуғуллантирган вақтда содир бўлган ноодатий ҳолат ҳақида гапирди, деб ёзади «Газета.ru».
Маълум бўлишича, аввалига Кабаева фаолиятини якунлашга қарор қилган, бироқ у орада мураббийининг олдига келади. Шунда Винер-Усмонова спортчига бир шарт билан уни шуғуллантиришини айтади: Кабаева доим Новогорскдаги машғулотлар базасида бўлиши лозим эди. Алина рози бўлади, бироқ ҳеч қанча ўтмай яширинча ўз машинасида базани тарк этади.
Кейинроқ спортчининг машинаси ўғрилаб кетилади. Усмонованинг маълум қилишича, спортчининг онаси машина калитларини танишларидан бирига берган, улар эса машинани олиб қочиб кетган. Шундан кейин Кабаева базадан чиқа олмайдиган бўлади.
Усмонованинг таъкидлашича, Кабаева бу «ўғирлик» ҳақида орадан 15 йил ўтиб билган.
«У шундай она билангина чемпион бўла оларди», — дейди Усмонова.
U23 Осиё кубоги. Ўзбекистон термасининг финалдаги рақиби маълум
Америкалик таниқли боксчи Баҳодир Жалолов ҳақида фикр бирдирди
ЕЧЛ. Ярим финал. "Бавария" "Реал" билан жанговар дуранг қайд этди
