Терма жамоалар сафида урилган голлар бўйича энг яхши натижага эга бўлган эронлик Aли Даи Криштиану Роналдунинг Францияга қарши дубли (2: 2) ҳақида фикр билдирди.
Ушбу голлар португалияликни Даи билан тенглаштирди. Энди уларнинг ҳисобида халқаро майдонда 109 та гол мавжуд.
«Роналдуни табриклайман, у энг кўп гол уриш бўйича халқаро рекордимни янгилашига битта гол қолди.
Ушбу ажойиб ютуқ Роналдуни - буюк чемпион ва бутун дунё бўйлаб одамларга илҳом берадиган ва ҳаётига таъсир кўрсатадиган инсонга тегишли бўлишидан фахрланаман", деб ёзди Даи инстаграмдаги саҳифасида.
Роналду 27 июнь куни Бельгия билан Евро-2020 1/8 финалида Даи рекордини янгилаш имкониятига эга бўлади.