Англиянинг Плимута шаҳрида яшовчи бир гуруҳ ўсмирлар қадимий “Берри-Померой” қалъасида икки чавандоз арвоҳини кўришгани ҳақида дунёга жар солишмоқда. Уларнинг айтишича, чавандозлар арвоҳи иккита отни минган ҳолда қалъанинг юқори қаватидан пастга сакраган. Тўғри, олдинига пайқашмаган. Қалъани ташқаридан туриб томоша қилишда давом этишган. Лекин ўсмирлардан бири кутилмаганда қичқириб юборган:
— Қаранглар, арвоҳлар пастга сакраяпти!!!
Кутилмаган қичқириқ қолганларни шу заҳоти сергак торттирган. Улар тенгқур ўсмирнинг ишораси билан юқорига қарашган. Аммо ҳеч қандай арвоҳга кўзлари тушмаган. Шунда ўсмир киссасидан смартфонини олган-у, қалъанинг юқори қаватидаги деразани суратга олган. Бу ҳаракати ҳам қолганларни ҳайратга солмаган. У смартфондаги суратни кўрсатгачгина ишонишга мажбур бўлишган. Чунки суратда ростдан ҳам икки от минган чавандоз шарпаси юқори қават деразасидан пастга сакраётгани намоён бўлганди...
Орадан бир неча кун ўтиб сурат мутахассислар қўлига етказилди. Улар қалъа тепасидан пастга сакраганлар ҳақиқатан арвоҳ эканини тан олишди. Яна айтишдики, қадимда икки рыцар бўлган. Улар бир куни нияти бузуқлар тарафидан таъқиб этилган. Ўша кимсалар рыцарларни алдаб гўё қалъада муҳим иш ҳақида маслаҳатлашиб олиш зарурлигидан огоҳ этган. Бу ишни улардан бўлак ҳеч ким ижобий ҳал эта олмаслигини айтишган. Илтимос қилишган, ялиниб туриб олишган. Рицарлар охири розилик билдиришган. Бироқ қалъа ичкарисига киришгандан кейин алданганларини, агар вақтида ҳаракат қилишмаса, душман қўлида ҳалок бўлишлари муқаррарлигини англаб етишган. Шу сабабли душман қўлида ўлгандан пастга сакраб жон беришни маъқул кўришган-у, отлари билан бирга юқори қаватдан пастга сакрашган. Ўсмирлар олган суратдаги арвоҳлар худди ўша рыцарларники экан. Улар тез-тез қалъага ташриф буюрганлар кўзига кўриниб, безовталикларидан қайта-қайта белги беришаркан.
esoreiter.ru
