Бугун 17 сентябрь, 2024 йил, сешанба

O'ZB

Академик лицейларга кириш тест синовлари 25-26 июль кунлари ўтказилади

Академик лицейларга кириш тест синовлари 25-26 июль кунлари ўтказилади

Олий таълим, фан ва инновациялар вазирлиги матбуот хизматининг маълум қилишича, академик лицейларга кириш тест синовлари жорий йилнинг 25–26 июль кунлари Билим ва малакаларни баҳолаш агентлиги томонидан махсус белгиланган ҳудудларда икки сменада ўтказилади.

Тест синовларини ўтказиш вақти:

25 июль куни 1 сменада ўтказилиб, соат 15:00 да;

26 июль куни 2 сменада ўтказилиб: 1-смена соат 9:00 да; 2- смена соат 15:00 да бошланади.

Академик лицейларга ҳужжат топширган абитуриентлар тест синовларига кириш рухсатномасини my.edu.uz сайтидаги шахсий кабинетига ўзининг логин ва пароли билан кирган ҳолда юклаб олиши ёки бевосита ҳужжат топширган академик лицейдан бориб олиши мумкин.

Абитуриентлар тест синови ўтказиладиган ҳудудга белгиланган вақтдан камида 1 соат олдин шахсини тасдиқловчи ҳужжат ва тест синовида иштирок этиш учун рухсатнома билан келиши лозим.

Киритилди: 19:23 22.07.2024. Ўқилди: 502 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!