Агентлар Салоҳни «Реал»га таклиф қилишди

Агентлар Килиан Мбаппенинг жароҳати фонида, у бир неча ҳафта майдондан четда қолиши мумкин экани сабабли, «Реал»га Муҳаммад Салоҳ номзодини таклиф қилишди. Бу ҳақда Defensa Central хабар бермоқда.

Манба маълумотларига кўра, «қироллик клуби»га 33 ёшли вингерни 12 млн евро эвазига ижарага олиш варианти таклиф этилган. Бироқ мадридликлар бу таклифни жуда қиммат, деб ҳисоблаб, рад этишган.

Жорий мавсумда Салоҳ барча мусобақаларда 20 та учрашувда иштирок этиб, 5 та гол ва 4 та голли узатмага муаллифлик қилган. Футболчининг клуб билан амалдаги шартномаси 2027 йил ёзига қадар амал қилади.