Агар АҚШ келишувга эришиш учун чинакам мулоқотга тайёр бўлса

Агар АҚШ келишувга эришиш учун чинакам мулоқотга тайёр бўлса, Теҳрон АҚШ маъмурияти билан музокараларга очиқ.

Бу ҳақда Эрон Мажлиси (бир палатали парламент) спикери Муҳаммад Бағир Ғолибаф CNN телеканалига берган интервьюсида шундай деди.

"Агар бу халқаро нормалар доирасида келишувга эришиш учун чинакам музокаралар бўлса, унда ҳа. Лекин бу АҚШ президенти Дональд Трамп излаётган музокаралар эмас; у шунчаки ўз иродасини бошқаларга юкламоқчи", деди у.

"Менимча, агар Трамп чинакам ҳалол бўлса ва Нобел тинчлик мукофотини олишни истаса, у ҳақиқий тинчликка интилиши ва аввало ўзини уруш қўзғатувчилардан ва Эроннинг бўйсунишини истаганлардан озод қилиши керак", деб қўшимча қилди Эрон парламенти спикери.

Унинг таъкидлашича, Трамп Эрон билан "уруш бошлаши мумкин", аммо унинг натижасини назорат қила олмайди. "Уйдан минглаб километр узоқликдаги (Яқин Шарққа) юборилаётган минглаб америкалик аскарлар, албатта, азоб чекишади. Бу яхши эмас", деб хулоса қилди у.