Африка иттифоқи Европа давлатларидан қулдорлик учун товон пули талаб қилмоқда

Африка иттифоқи мамлакатлари бир қатор Европа давлатларидан қулдорлик даври учун репарация тўлашни талаб қилиб, БМТ Халқаро судига даъво аризаси билан мурожаат қилишни режалаштирмоқда.

"Ҳуқуқшунослар Халқаро судга ушбу масала бўйича қарор чиқаришни сўраб мурожаат қилиш режаларини ишлаб чиқмоқдалар. Улар Буюк Британияни Чагос архипелагини топширишга мажбур қилган ҳуқуқий стратегияни такрорлашдан умид қилишмоқда", — деб ёзади The Telegraph нашри ўз манбаларига таяниб.

Мақолага кўра, даъво аризаси Франция, Испания, Португалия ва Буюк Британияга қарши қаратилади.