Абу-Дабидаги музокараларда асосий эътибор урушни якунлашга қаратилди — Украина президенти

Володимир Зеленскийнинг таъкидлашича, музокаралар конструктив руҳда ўтган.

"Кўплаб масалаларни муҳокама қилишга улгурилди ва энг муҳими суҳбатлар конструктив бўлди", — деб ёзди Украина президенти ўзининг Теlegram-каналида.

"Мунозараларда асосий эътибор урушни якунлашнинг эҳтимолий параметрларига қаратилди. Урушни тугатиш жараёни ва реал хавфсизликка риоя этилиши устидан АҚШ мониторинги ва назорати зарурлиги англанаётганини жуда юқори баҳолайман. Америка томони урушни якунлаш параметрларини тасдиқлашнинг мумкин бўлган форматлари ва бунинг учун зарур хавфсизлик шароитлари масаласини кўтарди", — деди Зеленский.

Унинг сўзларига кўра, барча томонлар музокаралар тафсилотларини ўз раҳбарларига етказиш ва билан кейинги қадамларни ўрганишга келишиб олган.

Шунингдек, Зеленский музокара иштирокчилари келаси ҳафта бўлиб ўтиши мумкин бўлган навбатдаги учрашув кун тартибини белгилаб олганини таъкидлади.