2026 йилнинг январь–август ойларида Ўзбекистон тижорат банклари 59,2 минг нафар фуқарога жами 18,3 трлн сўм ипотека кредити ажратди. Бу ўтган йилнинг шу даврига нисбатан 4,9 трлн сўмга кўп.
Марказий банк маълумотига кўра, ипотека кредитлари бўйича ўртача фоиз ставкалари молиялаштириш манбасига қараб 16,9 фоиздан 21,6 фоизгача бўлган.
Ажратилган маблағларнинг 74 фоизи ёки 13,6 трлн сўми бирламчи уй-жой бозорига йўналтирилган. Ушбу йўналишда 43,7 минг нафар фуқаро кредит олган. Иккиламчи бозор ҳиссаси эса 4,7 трлн сўмни ташкил этган.
Ипотека олганларнинг 64 фоизи 31–50 ёшдагилар ҳиссасига тўғри келади. Қарз олувчилар орасида эркаклар улуши 53 фоиз, аёлларники 47 фоизни ташкил этган.
Ҳудудлар кесимида Тошкент шаҳри 5,59 трлн сўмлик ипотека кредитлари билан етакчилик қилган. Банклар орасида эса энг катта ҳажм Халқ банки ҳиссасига тўғри келган.
Маълумотларга кўра, мамлакатда ипотека кредитлари ҳажми сўнгги йилларда изчил ўсиб бормоқда. 2025 йилда бу кўрсаткич 21,2 трлн сўмни ташкил этган эди.
Бошланғич синф қизлари учун ҳижобни тақишни тақиқлаш таклиф қилинмоқда
Сурхондарёда 3700 йиллик қабрлар ўрганилмоқда
"Мен ҳеч қачон 102-ҳарбий базани Арманистондан олиб чиқиш масаласини кўтармаганман"
