Швециялик енгил атлетикачи Арман Дюплантис лангарчўп билан баландликка сакрашда собиқ иттифоқ ва Украинанинг номдор спортчиси Сергей Бубканинг жаҳон рекордини янгилади.
Спортчи бунга “Бриллиант лигаси”нинг Римда ўтган босқичида эришди. У 6,15 метрга баландликка сакраб, очиқ иншоотлардаги мусобақалар учун Бубка томонидан 1994 йилда ўрнатилган рекордни 1 смга яхшилай олди.
Эътиборлиси, Арманга яна бир юқори натижа тегишли бўлиб, у ёпиқ иншоотлардаги мусобақаларда баландликка сакраш бўйича жаҳон рекордчиси ҳисобланади. Спортчининг натижаси 6,18 метрни ташкил қилиб, у бунга февраль ойида ўтган мусобақада эришган. Бундан бир ҳафта олдин эса у 6,17 метрга сакраб, франциялик енгил атлетикачи Рено Лавилленининг натижасини 1 смга яхшилай олганди.