2026 йил метеокузатувлар тарихидаги энг иссиқ йилга айланиши эҳтимоли юқори. Бу ҳақда АҚШнинг Berkeley Earth нотижорат ташкилоти прогнозида маълум қилинди.
Ташкилотнинг ойлик ҳисоботига кўра, 2026 йил тарихий ҳарорат рекордини янгилаши эҳтимоли қарийб 69 фоизни ташкил этмоқда. Таҳлилчилар яна тахминан 30 фоиз эҳтимол билан жорий йил энг иссиқ йиллар рейтингида иккинчи ўринни эгаллашини кутмоқда.
Июль эса 2026 йилнинг ҳозиргача қайд этилган энг иссиқ ойига айланди.
Маълумотларга кўра, Ер юзасининг тахминан 8,5 фоиз қисмида маҳаллий ҳарорат рекордлари янгиланган. Бундай ҳудудлар қаторига Ўрта Ер денгизи минтақаси, Жанубий Европа, Россиянинг ғарбий қисми, Сибирь ва Марказий Осиё ҳам киради.
Умуман олганда, дунёнинг 32 та давлатида ойлик ҳарорат бўйича янги максимал кўрсаткичлар қайд этилган.
Ҳафта охиридан Ўзбекистонга салқин ҳаво оқими кириб келади
СССРни тиклаш ғоясини тарғиб қилган фуқаро 4 йил 2 ойга қамалди
Германиянинг Эльба дарёсидаги қурғоқчилик "очлик тошлари"ни очиб берди
