Россиялик олим, Нью-Жерсидаги Ратгерс университети профессори Сергей Эрофеев сиёсатчи Алексей Навальний Нобель мукофотига номзод қилиб кўрсатилганини маълум қилди.
Унинг айтишича, ушбу мукофот учун Навальний номзодини «Россия билан шуғулланувчи таниқли университетларнинг бир қатор профессорлар илгари сурган. Эрофеев уларнинг аниқ кимлигини айтмаган, лекин «Дожд» нашрига берган изоҳда унинг номзодини кўрсатганлар орасида «катта одамлар» борлигини қайд этган.
Дунёнинг исталган университети профессори Нобель мукофотига номзодни кўрсатиши мумкин, бунда номзодга қандайдир муайян талаблар йўқ. Бундан ташқари, ушбу мукофотга миллий ҳукумат ва парламент аъзолари, давлат раҳбарлари ва бошқа айрим тоифадаги шахслар ўз номзодларини кўрсатишлари мумкин.
Шу вақтда қадар бирорта ҳам Россия фуқароси Нобель мукофотига сазовор бўлмаган. СССР даврида мукофот Андрей Сахаров (1975 йил) ва Михаил Горбачёвга (1990 йил) берилган.
Германия ҳукумати маълумотларига кўра, Алексей Навальний Россияда «Новичок» турига кирувчи модда билан заҳарланган. У икки ҳафтадан ортиқ вақт давомида комада ётди, айни пайтда Берлиндаги «Шарите» клиникасида даволанишни давом эттирмоқда.
Россия ҳукумати сиёсатчидан дастлаб касалхонага ётқизилган Омскда олинган тестларда заҳар борлигини кўрсатмаганини қатъий таъкидламоқда.
Исроил жиддий хатога йўл қўйди
Россия Курск шаҳарларини қайтариб олди. Украинанинг Россияга ҳужуми барбод бўлдими?
АҚШ Украинага тезда Россия билан музокараларни бошлашни маслаҳат берди
