АҚШ президентининг махсус вакиллари Стив Уиткофф ва Жаред Кушнер Москва ва Киев билан қиш арафасида ҳамда қиш давомида кескинликни пасайтириш бўйича эҳтимолий қадамларни муҳокама қилишди. Бу ҳақда Украина президенти Володимир Зеленский Ахios нашрига маълум қилди.
Унинг сўзларига кўра, Уиткофф ва Кушнернинг мақсадларидан биринчиси Россия ва Украина ўртасидаги тинчлик музокараларини блокдан чиқариш бўлган бўлса, иккинчиси — келаётган қишни Россиянинг Украина энергетика инфратузилмасига қилган ҳужумлари орқали уруш кескинлашган олдинги қишларга ўхшамаслигига ҳаракат қилиш эди.
"Ишончим комилки, Россия олдинги йиллардаги каби куз-қиш даврида Украина энергетикасига фаол ҳужум қилишни режалаштирмоқда. Бироқ, шу билан бирга, Владимир Путин Доналд Трампни хафа қилишни хоҳламайди ҳамда музокараларни олдинга силжитиш бўйича ғояларни муҳокама қилишга тайёр", — деди Зеленский.
Стив Уиткофф ва Жаред Кушнер 5 сентябр куни Москвага, 6 сентябрьда эса Киевга ташриф буюришди. Бу уларнинг уруш бошланганидан бери Украина пойтахтига илк ташрифи эди. Музокаралар якунига кўра, томонлар бирор-бир жиддий ютуқлар ёки силжишлар ҳақида маълум қилишмади. Зеленский Уиткофф ва Кушнер билан учрашувдан сўнг, урушни йил охиригача тўхтатиш имконсиз эканлигини тан олди.
Шаҳноза Мирзиёева Мусулмон Юнусовнинг мурожаатига муносабат билдирди
Дунё харитаси 500 йил ичида илк бор янгиланди
💴 Адлия вазирлиги Ўзбекистондаги пенсия ва нафақалар миқдорини эслатди
