Жанубий Корея Бош штаби маълумотларига кўра, Пхенян сўнгги ҳарбий синови чоғида бир нечта қанотли ракеталарни учирди. Сеул маҳаллий вақт билан эрталаб соат 7:00 атрофида Сариқ денгизга "номаълум турдаги қанотли ракеталар" учирилганини эълон қилди.
Сеулдаги Кореяни миллий бирлаштириш институти таҳлилчиси Хонг Миннинг айтишича, Шимолий Корея Россияга экспорт қилиш учун мўлжалланган қанотли ракеталарни синовдан ўтказаётган бўлиши мумкин.
"Украинадаги уруш пайтида қанотли ракеталар Россия учун стратегик нишонларига ҳужум қилишда муҳим рол ўйнамоқда", — дея қўшимча қилди эксперт АFP агентлигига.
