Zelenskiyning Uittkoff bilan Berlindagi muzokaralari bugun davom ettiriladi

Ukraina va Amerika delegasiyalarining Berlindagi tinchlik muzokaralari 15 dekabrda davom etadi, takliflar tafsilotlari hozircha oshkor etilmayapti.

Bu haqda Germaniyaning Handelsblatt gazetasi xabar bermoqda.

Ukraina delegasiyasiga Prezident Vladimir Zelenskiy, Amerika delegasiyasiga esa Prezident Donald Trampning maxsus vakili Stiv Uitkoff boshchilik qilmoqda.

AQSh hukumati, gazetaning yozishicha, Berlindagi muzokaralarda “muvaffaqiyatga erishish istiqbollarini oldindan tan oldi”, Trampning Germaniyaga delegasiya yuborgani shundan dalolat beradi.

Ayni paytda Moskva muzokaralarga shubha bilan qaramoqda. Rossiya prezidenti Vladimir Putinning tashqi siyosat bo‘yicha maslahatchisi Yuriy Ushakov yig‘ilishdan oldin yevropaliklar va Ukrainaning tinchlik rejasiga qo‘shgan hissasi “konstruktiv bo‘lishi dargumon” ekanini aytdi.