Ukraina Prezidenti Vladimir Zelenskiy va AQSh Davlat kotibi Marko Rubio Rossiyaning Ukraina energetika inshootlariga zarbalarining oqibatlari va Myunxendagi tinchlik muzokaralarining borishini muhokama qilishdi.
Bu haqda Zelenskiy Telegram-kanalida yozdi.
"Men Rubioga front chizig‘idagi vaziyat, Rossiya zarbalari va energetika tarmog‘iga hujumlarning oqibatlari haqida ma’lumot berdim. Biz Ukrainaga qishki sovuq paytida hayotni himoya qilishga qanday yordam berish va chidamliligimizni mustahkamlash haqida gaplashdik", deyiladi postda.
Zelenskiyning so‘zlariga ko‘ra, ular shuningdek, Rossiya-Ukraina mojarosini hal qilish bo‘yicha Kiyev, Vashington va Moskva o‘rtasidagi diplomatik jarayon va uch tomonlama uchrashuvlarni batafsil muhokama qilishdi.
"Jenevada rejalashtirilgan muzokaralar samarali bo‘lishi muhim va men Qo‘shma Shtatlarga konstruktiv yondashuvi uchun minnatdorchilik bildiraman. Biz shuningdek, qadamlar ketma-ketligiga to‘xtaldik. Xavfsizlik kafolatlari va iqtisodiy tiklanish bo‘yicha taraqqiyotga erishish muhim", deb xulosa qildi Ukraina rahbari.
Olim Yer aholisini «jahannam iqlimi»dan ogohlantirdi
Sadir Japarov Qamchibek Tashiyevni nega ishdan olganini tushuntirdi
Imomali Rahmon vafot etdi(mi)?
