Украина Президенти Владимир Зеленский ва АҚШ Давлат котиби Марко Рубио Россиянинг Украина энергетика иншоотларига зарбаларининг оқибатлари ва Мюнхендаги тинчлик музокараларининг боришини муҳокама қилишди.
Бу ҳақда Зеленский Телеграм-каналида ёзди.
"Мен Рубиога фронт чизиғидаги вазият, Россия зарбалари ва энергетика тармоғига ҳужумларнинг оқибатлари ҳақида маълумот бердим. Биз Украинага қишки совуқ пайтида ҳаётни ҳимоя қилишга қандай ёрдам бериш ва чидамлилигимизни мустаҳкамлаш ҳақида гаплашдик", дейилади постда.
Зеленскийнинг сўзларига кўра, улар шунингдек, Россия-Украина можаросини ҳал қилиш бўйича Киев, Вашингтон ва Москва ўртасидаги дипломатик жараён ва уч томонлама учрашувларни батафсил муҳокама қилишди.
"Женевада режалаштирилган музокаралар самарали бўлиши муҳим ва мен Қўшма Штатларга конструктив ёндашуви учун миннатдорчилик билдираман. Биз шунингдек, қадамлар кетма-кетлигига тўхталдик. Хавфсизлик кафолатлари ва иқтисодий тикланиш бўйича тараққиётга эришиш муҳим", деб хулоса қилди Украина раҳбари.
Олим Ер аҳолисини «жаҳаннам иқлими»дан огоҳлантирди
Садир Жапаров Қамчибек Ташиевни нега ишдан олганини тушунтирди
Имомали Раҳмон вафот этди(ми)?
