Zelenskiy: “Putinni o‘pish yoki gullar bilan to‘xtatib bo‘lmaydi”

Ukraina Prezidenti Vladimir Zelenskiy Rossiyaga hududiy imtiyozlar kelajakda yanada jiddiy oqibatlarga olib kelishini ta’kidladi.

Ukraina rahbari bu haqda o‘zining ijtimoiy tarmoq sahifasida yozgan.

"Tajovuzkorga biror narsani egallashga ruxsat berish katta xato. Bu boshidanoq, 2014 yildan boshlab [Qrimning anneksiya qilinishi bilan] katta xato edi. Va undan oldin ham, Gruziyaning ayrim qismlariga hujum va bosib olish paytida ham", deb ta’kidladi u.

U shuningdek, hududiy imtiyozlar yangi urushlarga olib keladi, deb hisoblaydi. "[Rossiya Prezidenti Vladimir] Putinni o‘pish yoki gullar bilan to‘xtatib bo‘lmaydi. Men hech qachon bunday qilmaganman va bu to‘g‘ri yo‘l deb o‘ylamayman. Hammaga maslahatim: Putinga bunday qilmang", deb ta’kidladi Ukraina rahbari.

Zelenskiy shuningdek, Rossiya frontda katta yo‘qotishlarga duch kelayotganini yana bir bor ta’kidladi - oyiga 30 000-35 000 kishi.