Zelenskiy Ozarbayjon TIV rahbarini qabul qildi

Ukraina Prezidenti Vladimir Zelenskiy Ozarbayjon Tashqi ishlar vaziri Jayhun Bayramovni qabul qilgan.

Bayramov Rossiya – Ukraina urushi boshlanganidan beri birinchi marta Ukrainaga tashrif buyurdi. U o‘z safarini Irpen shahridan boshladi, u yerda Ozarbayjon yordam ko‘rsatayotgan maktab, kasalxona va reabilitasiya markaziga tashrif buyurdi.

Ukraina yetakchisi Ozarbayjon va shaxsan Prezident Ilhom Aliyevga Ukrainaning suvereniteti va hududiy yaxlitligini qo‘llab-quvvatlagani, energetika va gumanitar yordam ko‘rsatgani hamda konstruktiv muloqot uchun minnatdorlik bildirdi.

"Mamlakatimiz va xalqimiz uchun og‘ir kunlarda kelib, bizni qo‘llab-quvvatlash imkoniyatini topganingiz uchun juda minnatdormiz," - dedi Vladimir Zelenskiy.

Prezident Rossiyaning Ukrainaga doimiy zarbalari, Qora dengizdagi vaziyat va Rossiyaning don yo‘laklarini to‘sib qo‘yishi dunyo oziq-ovqat xavfsizligiga tahdid solayotgani haqida ma’lumot berdi.