Zelenskiy ham Pasxa bayrami oldidan sulh e’lon qildi

Ukraina prezidenti Vladimir Zelenskiy Pasxa bayrami oldidan front chizig‘ida sulh e’lon qildi.

Zelenskiy bu haqda 9 aprel kuni kechki nutqida ma’lum qildi.

"Ukraina bir necha bor gumanitar choralar ko‘rishga tayyorligini bildirgan. Bu yil biz Pasxa sulhini taklif qildik va shunga muvofiq harakat qilamiz. Odamlarga tahdidsiz Pasxa va tinchlikka erishish uchun haqiqiy qadamlar kerak", deb ta’kidladi Zelenskiy.

Shuni ta’kidlash kerakki, Rossiya prezidenti Vladimir Putin ham bir kun oldin Pasxa sulhini e’lon qilgan edi.