Bugun, 15 noyabr kuni Islom Karimov nomidagi “Toshkent” xalqaro aeroportidan Toshkent-Mumbay yo‘nalishida parvozga chiqqan HY-427 yo‘lovchi samolyoti zudlik bilan Samarqand xalqaro aeroportiga qo‘ndirildi. Bu haqda “O‘zbekiston havo yo‘llari” MAK Matbuot xizmati xabar bermoqda.
Samolyotning rejasiz Samarqandga qo‘ndirilishiga yo‘lovchilarning salomatligi yomonlashgani sabab bo‘lgani aytilmoqda.
Samolyot Afg‘oniston ustidan uchib o‘tilayotganda yo‘lovchining tobi qochgani sabab ekipaj a’zolari uni eng yaqin shahar aeroportiga yetkazishga qaror qabul qilganlar. Yaqinligi va tibbiy muassasalar jihatidan bemor Samarqand shahriga yetkazilgan.
Samolyot trapida tobi qochgan yo‘lovchilarni tez tibbiy yordam xodimlari kutib olgan va bemorlar shifoxonaga yetkazilgan.
Yo‘lovchi yurak xuruji tashhisi bilan shifoxonaga yotqizilgandan so‘ng, samolyot parvozni davom ettirdi va mahalliy vaqt bilan soat 6:15da Mumbayga qisqa vaqt ichida etib bordi.
19 may kuni yomg‘ir yog‘ishi mumkin bo‘lgan hududlar e’lon qilindi
Namanganda 63-xalqaro “Gullar festivali” boshlandi
O‘zbekiston Eron Prezidenti bo‘lgan vertolyotning baxtsiz hodisaga uchrashiga munosabat bildirdi
