Yaponiyada 50 dan ortiq avtomobil ishtirokida YTH sodir bo‘ldi

Yaponiyaning Gunma prefekturasida, mamlakatning markaziy qismida 50 dan ortiq avtomobil ishtirokida sodir bo‘lgan yirik YTHda kamida bir kishi halok bo‘ldi, kamida 26 kishi jarohatlandi.

Bu haqda NHK telekanali ma’lum qildi.

Hodisa mahalliy tezyurar yo‘lda sodir bo‘lgan. Hodisada kamida 10 ta mashina yonib ketgan, dastlab muzlik tufayli yuzaga kelgani taxmin qilingan.

Favqulodda xizmatlar ma’lumotlariga ko‘ra, bir keksa ayol halok bo‘lgan, besh kishi og‘ir ahvolda kasalxonaga yotqizilgan, yana 21 kishi engil jarohatlar olgan. Hodisa tufayli Yaponiyaning markaziy qismidagi tezyurar yo‘lning bir qancha qismlari harakatlanish uchun yopildi.