AQShning MQ-9 harbiy samolyoti Yamanning janubiy-sharqida joylashgan Dhamar viloyatida urib tushirilgan. Hozirda ushbu hudud jangari Xusiy guruhi tasarrufidadir. AQShning ikki rasmiysi Reuters agentligiga bu hodisa so‘nggi oylardagi ikkinchisi bo‘lganini ma’lum qilgan.
O‘zini oshkor qilmaslik sharti bilan gapirgan rasmiylarning ta’kidlashicha, samolyot seshanba kuni kechqurun o‘qqa tutilgan.
Rasmiylardan birining so‘zlariga ko‘ra, Kaliforniya shtatidagi General Atomics tomonidan ishlab chiqarilgan harbiy samolyot Eron bilan birlashgan Xusiy guruhi tomonidan boshqarilayotgan raketa orqali urib tushirilgan.
“Biz Eron Xusiy va shunga o‘xshash jangarilarga yordam berayotganidan xabardormiz. Bunday harakatlar mintaqa xavfsizligiga tahdid soladi”, dedi AQSh harbiy qo‘mondoni. Samolyotni yo‘qotish qimmatga tushgan bo‘lsa-da, AQSh bunga javob qaytarishi ehtimoldan yiroq, deydi rasmiylardan biri.
Eslatib o‘tamiz, iyun oyida Eron MQ-9 samolyotidan kattaroq bo‘lgan AQShning Global Hawk nomli uchuvchisiz samolyotini urib tushirgandi. AQShning javob zarbalari deyarli aniq edi. Ammo kutilmaganda Tramp hujumni bekor qildi, chunki u 150 kishining hayotiga nuqta qo‘yishi mumkin edi.
O‘tgan yili Tramp Eronni yadroviy qurollardan voz kechishga ko‘ndirolmagach, yangi sanksiyalarni joriy etgan va Eron yangi jazo choralarini «iqtisodiy urush», deb atagandi.
Shoygu urush tugaydigan “aniq va shubhasiz” sanani ma’lum qildi
Zelenskiy shuni yodda tutishi kerakki, u Ashraf G‘ani kabi yoki undan ham battarroq bo‘lishi mumkin
Ariston kompaniyasi milliylashtirilgach, Rossiya elchisi Italiya TIVga chaqirtirildi
