Buyuk Britaniya dengiz savdo operasiyalari boshqarmasi (UKMTO) Yamanning Mukalla port shahridan 84 dengiz mili uzoqlikda shubhali holat yuz bergani haqida xabar berdi.
Ma’lumotlarga ko‘ra, yuk tashuvchi kemaga kichik qayiq va baliqchilar kemasi 500 metr masofagacha yaqinlashgan. Joriy yilning 28 fevralidan beri mintaqadagi harbiy nizolar fonida bu kabi hodisalar soni keskin oshdi. 1 martdan 27 aprelgacha bo‘lgan davrda 41 ta holat qayd etilgan bo‘lib, ularning aksariyati kemalarga zarar yetkazgan va ekipaj a’zolariga xavf tug‘dirgan hujumlardan iborat.
"UKMTO" rahbari Jo Blekning so‘zlariga ko‘ra, fuqarolik kemalari xodimlari dronlar, raketalar va o‘q otar qurollardan berilayotgan zarbalar tufayli kuchli stress ostida qolmoqda. Hozirda mazkur holat yuzasidan surishtiruv ishlari davom etyapti. Xalqaro idora dengizchilarni hushyorlikni oshirishga va har qanday shubhali faoliyat haqida zudlik bilan xabar berishni so‘radi.
Zelenskiy Putinning G‘alaba bayrami munosabati bilan sulh e’lon qilish g‘oyasiga munosabat bildirdi
Mojtaba Xomanaiy Putinga maktub yo‘llagani ma’lum bo‘ldi
Xitoy aholisi Fransiya darajasida qisqarishi mumkin: Iqtisodiyot xavf ostida
